千唔願萬唔願咁終於黎到最後呢一日。我唔制呀我唔制呀我唔制呀～～～（攬實燈柱唔放手）

放好行李，就出去最後一擊！啍～我仲有萬幾 YEN ！

買啦買啦買啦！ 小圓山就孤身一人走左去秋葉原尋找傳說中的 PSP 。（傳說係因為咁多日黎都搵唔到） 而馬仔佢地就主力晌番新宿一帶的百貨公司出血。毛毛果然不負眾望，淨係化粧品都駛左千幾銀港紙呀！我代表日本國家多謝你。

叮～開飯！ 揀左每一日返酒店都必經的麵舖，原來又幾好味喎～！！

夠鐘上巴士啦～你睇我地幾多行李～

「我唔落車！我唔上飛機！我唔要返香港！我唔且～」 有隻馬衝閘呀！搵人捉佢返黎啦！

「係邊個？係邊個扑暈我綁我上飛機？？」

清晒袋啦．．乜都冇啦．．．好快ｄ返去訓覺第二朝捱騾仔啦．．．

咪住！咁開心０既旅程係唔會咁易就完０既！ 我深信，五虎好快就會再被召集，開始下一個爆笑之旅！ ０隆！