畢業0既一年,馬仔,豬豬,VIVI,同埋VIVI一個朋友去左韓國旅行.
最後一晚,佢地入住左一間渡假村,獲分配兩間訓塌塌米0既房…一行四人,就先入第一間房度參觀…

眾人: 嘩~~~ 好靚喎~~~~好大喎~~
豬豬: VIVI丫, 不如我地去埋第二間房睇下係咪都係咁靚囉~~
VIVI: 好呀~

(二人走出…留番馬仔同VIVI朋友晌房. 朋友仔跟住就入左廁所,馬仔繼續睇電視.)
(大約十五分鐘後,朋友仔用完廁所…與此同時,豬豬同VIVI就返左黎,仲企左晌廁所門口附近…)

豬豬: (開心地)喂喂,隔離間房一樣咁靚架~~
VIVI: 係丫係丫~~~ ^O^
(二秒過後)
豬豬: (疑惑地)VIVI丫, 你覺唔覺得呢間房有陣味呀?
VIVI: 係咩?
豬豬: 係丫,(大力索)真係有陣臭味喎,隔離個間冇架…
VIVI: (學佢咁大力索)咦,又好似係喎…

朋友仔: (面有難色)係丫…我0岩0岩用完廁所丫……

豬豬同VIVI: …………

(千其唔好問馬仔當時豬豬係咩樣樣,因為馬仔由頭到尾己經忍笑忍到想死,去到最後仲笑到訓左晌地下!!!!佢呢世都唔會忘記個日!!!哈哈哈!!!!)

某一年,晌某一間朱儒村度…阿鼠,馬仔同豬豬揀緊衫…

豬豬: (拎起一條褲,睇緊個牌仔)阿鼠丫, le-gits(佢發音:瀝gits)點解丫?
阿鼠: (望下個牌)下? 唔知呢…咦,你做textile架嘛,你應該識架.
豬豬: 唏,我...我唔係做呢面架嘛…
阿鼠: 下…唔知喎…

(跳黎跳去0既馬仔見佢地攬住條褲,就走埋去八下…)

阿鼠: maggie丫,呢個咩字丫?
(馬仔望下個牌, 寫住 “Flare Legs”)
馬仔: legs囉, 腳囉? 做咩丫?
豬豬: 下下下???? 係咩係咩???? (此時阿鼠己經逃得不知所終!!!)

眾人: 咦,豬豬,你染左髮呀?
豬豬: 係丫係丫,係咪好型呀?
眾人: 但係又話你公司唔俾染髮0既?
豬豬: 哦,係丫,我見放假先染0者,聽日最後一日假,我會去染返黑架喇.
眾人: 咁你放左幾耐假呀?
豬豬: 七日囉~
眾人: (驚訝地)下? 咁你個頭染左幾錢呀?
豬豬: 二百幾咋嘛~~
阿鼠: 嘩…你真係富貴…係呢,咁你出左幾多日街?
豬豬: 唉…我一放假就病,冇出街…晌屋企訓左四日…今日先出街…
眾人: 下??????????????????你今日先出街,聽日就要染返黑頭,咁你個頭咪淨係得你同d屋企人睇囉?
豬豬: 噢,我屋企人返晒鄉下…呢幾日得我一個人晌屋企…
眾人: (爆笑兼拍手~~~~~~~~~~~~~~~~~~~~~~~~~~~~~~~~~~~~~~)