豬語錄正在輯錄當中, 歡迎各方豬氏好友提供~ email俾馬仔喇~~ ^o^
打簿拍？　



豬豬: 「阿鼠阿鼠，你睇我條褲幾抵～二百幾蚊咋！」
鼠鼠：「邊度買呀？」
豬豬：「Da煲啪～」
小馬： 「....................???」
鼠鼠：「Double Park下嘛？？我以為繼 "打簿快" 之後另一新機種，叫 "打簿拍"添..........」．
新歌？　

卡拉ｏｋ內．．．

豬豬：「幫我揀張敬軒首 "DIU" !」
馬仔：「哦．．．．（一路搵）但係點解佢會有首咁．．．．咁粗口０既歌０既？？」
豬豬：「咩呀？　DIU喎．．」
馬仔：「DIY我就聽過，DIU......咪讀 " 小 "囉.....咁粗口0既?」
豬豬：「 係．．．DE................AR................YOU................呀．．．」
馬仔：「哦哦哦（十萬個燈泡著晒～）」
皇家馬德里邊個最紅？　

去西班牙遊學歸來的VIVI正在講述遊歷情況．．．．

豬豬: 「皇家馬德里球隊有咩出名球星？」
眾人: （大眼望住豬豬）
馬仔: 「（舉手）嘟嘟嘟！我識！我識～碧咸！」（威晒～）
豬豬: 「乜碧咸唔係．．．」
鼠鼠: 「拿，豬豬，其實碧咸係．．．棒球員黎０既．．．」（忍住笑）
馬仔: 「梗係唔係啦，碧咸係冰上曲棍球員黎架，０岩０岩先拍完套PRIDE咋嘛～」哇哈哈哈哈．．．
鬼竄的超市？　
一班鼠友正在食TEA BUFFET．．．．

馬仔: 「豬豬呀，Ｄ沙律好唔好味啊？」
豬豬: 「好食呀，Ｄ菜好新鮮呀～呢Ｄ如果晌‘思....思......思縮扒’賣，好貴架～」
眾人: 「（爆笑）哈哈哈哈．．思思縮，咁鬼竄呀？‧．．‘思思縮扒’，勁呀！！！四個字都係中文黎架～～CITYSUPER原來有中文名架～～哇哈哈哈哈～」
三百六十度？　
初二馬仔上了人家有無敵維港景的家睇煙花，尚有十五分鐘才到八點，馬仔電話響起．．．．

豬豬: 「喂，Maggie呀，我而家晌海傍等緊睇煙花。」
馬仔: 「哦～～你係咪而家人迫人咁企晌海傍度等睇煙花呀～～（超驕傲音）」
豬豬: 「唔係喎～～我地坐晌堤岸邊，唔駛迫喎～（懶得戚咁）」
馬仔: 「車～～我坐晌人地個有無敵大維港景０既屋企奀奀腳咁睇添喎！」
豬豬: 「車，我有三百六十度煙花景喎！」
小圓山: 「（撘咀）你點三百六十度景呀！唔通你企晌個海度，ｄ煙花中心呀！」
豬豬: 「．．．．．．（無言）」

呀哈哈哈哈哈．．．．．．寸到豬豬呀，開心死我開心死我～～
白鷺　
食飽打邊爐，去左一間糖水舖度食甜品．．．．

鼠鼠: 「我要豆腐花。」
馬仔: 「我要花生糊，豬豬，你呢？」
豬豬: 「我要．．．．合桃．．．等白露。（係蛋白露）」
眾人: 「嘩哈哈哈，阿合桃要等隻白鷺呀？」
瘋哥: 「（對住侍應）拿，小姐，佢要白鷺架，你千其唔好拎隻黑臉琵鷺出黎呀，唔要架！」

笑完，轉頭糖水到。
鼠鼠: 「呵呵，呢碗就係金銀等白鷺啦～」
眾人唔察覺有異，繼續食糖水，兩秒過後．．．
奀奀: 「（醒覺）等白鷺係合桃呀！！金銀係等筧菜架！！！！！！」

眾人: 「呀哈哈哈哈哈～～～～～～～～～～～～」
咸濕食品
天寒地凍，一班鼠友正商量往那處打邊爐．．．
豬豬: 喂，去咩咩咩度食呀！有．．有．．有咩四仔魚旦．．．．唧唧唧．．．呀。（佢想講四海魚旦）
馬仔:（裂咀中） 下？『四仔魚旦唧唧唧』？咸片名黎架？
鼠鼠: 個度ｄ魚旦實係好咸頂啦．．
師太棒
VIVI: 奧運真係好睇...
豬豬: 係呀，我最鐘意睇人玩師太棒，好厲害．．．
馬仔: 咦？咩黎？蛾眉派架？
豬豬: 師太棒呢，FING黎FING去．．．
VIVI: U_U! 佢話絲帶棒呀．．．．
我屋企有雞子？
豬豬正在收拾屋企等鼠友上黎打邊爐，收到晌街市買緊野０既馬仔來電．．．
馬仔: 喂，你屋企有冇雞粉呀？
豬豬: 冇呀，我屋企唔食味精．．．
馬仔: 哦，咁有冇雞旦呀？
豬豬: 冇喎．．．
馬仔: OK..咁有冇GAS呀？
豬豬: 雞子？我屋企點會有雞子呀！
馬仔: $##^%$#&%$^...... GAS呀！個爐用個Ｄ呀！聰明人！！！
撕野食？
一班豬朋正在往包埋BBQ的孔明燈旅途上．．．
領隊: 有冇人知我地今日會做ｄ咩呀？
豬豬: （超大聲）去撕野食～～～
眾豬朋: （用手扮扯開野食）係呀係呀，撕開ｄ野黎食～～野人咁～～
你係咪黑底？
話說一班豬朋去花生吧飲野，遇到一個好耐冇見的朋友。
馬仔: 仲有冇玩跆拳道呀？
朋友: 有呀有呀．．．
豬豬: 咦，你玩跆拳道架咩？（大聲）咁你而家係咪黑底架？
朋友: （細聲）係．．．我係黑帶架．．．
猛男話．．．
豬豬: 我會做個朋友０既婚禮司儀。
眾人: 會唔會冇人聽得明你講咩架？
豬豬: 我今次會講‘猛男話’（閩南話）U_U!
眾人: （噴飯中～）
瘋哥（雄厚聲線）: （雙手屈曲向上，猛男選舉姿勢一）各位來賓～～（雙手屈曲放在右腰上，猛男選舉姿勢二）歡迎蒞臨呢個婚禮～～～～
眾人: （拍手～）
HI~衣雞
馬仔: 豬豬呀，我地訂左去北京酒樓食飯呀。
豬豬: 哦，０個間呀，好好食架！有冇訂埋‘HI---HI衣雞呀’？
馬仔: U_U冇呀，冇訂乞兒雞呀。
卿姐

大家正在談論區議會選舉．．．
馬仔: 何秀蘭真係好掂．．．
阿鼠: 係呀係呀，佢之前係咪做社工架？
馬仔: 哦，唔知喎，不過佢好大體．．．
豬豬: （懶醒咁）佢之前係幫阿葉玉卿做野架嘛。
眾人: （超爆笑）劉慧卿呀～～成日掛住Ｄ肉彈！！！！！
阿鼠: （陰陰咀笑）豬豬呀，幫阿葉玉卿０個個唔係何秀蘭呀，係奚秀蘭呀．．．
收雞數

豬豬: 阿鼠，你仲掙我錢呀！
阿鼠: 哦哦哦．．．
豬豬: 唉，唔得，我出面仲有好多雞數未收番添。
阿鼠: 下？你．．？
豬豬: 咩０者，雞數咋嘛．．
阿鼠: 啊啊啊，街數下話．．．
臭的？

豬豬: 小西灣有間日本野幾好食架。
VIVI: 係？
豬豬: 係呀，我上次買左個三文魚臭．．．
VIVI: 下？？臭？
豬豬: 三文魚臭飯呀．．．好好味。
VIVI: 啊，炒飯呀！！
買布

豬豬: VIVI呀, 我地搵日去買布呀...
VIVI: 買布? 做咩呀? (做衫乎?)
豬豬: 去睇雀仔囉...
VIVI: U_U! 去米埔呀...
鞋秀蘭
玩完之後就一行人去時代廣場度食齋…

豬豬:呀,係咪去鞋秀蘭開個間?
馬仔:鞋秀蘭? 奚秀蘭就有一個…
豬豬:係呀係呀…奚秀蘭個間呀?…
VIVI: U_U! 但係開齋舖0個個係叫周秀蘭呀…
死拎仔

豬豬正在向眾人講述佢遇到一個小師弟0既情形...

豬豬:佢好細個架咋....成個"拎"仔....
口裝鼻屎 *O*

話說VIVI打俾豬總約食飯…

VIVI:豬豬丫,聽晚食飯丫…
豬豬:係喇係喇…快D收線喇,唔好阻住我睇厚裝鼻屎丫…
VIVI:下??????? 口裝鼻屎??? (咁核突?????)
豬豬:唔係丫,厚裝鼻屎丫……
VIVI: 咩話??????????????
豬豬: (用盡所有氣力)係……考..莊..秘..史…丫…..
VIVI: U_U!

佗地豬 (=.=)

豬豬:喂,不如我地夾份擺跳蚤市場囉~
阿鼠:咁我地賣乜?
豬豬:咪賣make-gie d紙黏土公仔囉.
馬仔:(激動地)咁咪做死我~
VIVI:係丫~ 咁你自己有咩貢獻丫?
豬豬:我?我咪幫你地看檔囉. 你地唔駛看架~仲有丫,收檔之後D貨仲可以擺晌我度,唔駛你地執架!
馬仔: u_u 咁你同收佗地有咩分別~~~~~~~
浪漫下 (#^.^#)

豬豬:make-gie,我地幾時去沙田浪漫下?
馬仔:(好驚!)下? 我同你? 浪漫下?
豬豬:係丫…我好掛住沙田d糯米蟹……
馬仔:#@$$%##%%%#$@@#
桶親

電話中……

豬豬: make-gie丫,要唔要桶親?
馬仔: 下?桶親?
豬豬: 我晌家鄉雞丫, 要唔要滋味桶"親"呀?
馬仔: ......
食糖水 :d

電話中……

豬豬: make-gie丫,知唔知點去食糖水丫?
馬仔:下?咁早?你晌邊丫?
豬豬:係丫…我晌巴士丫…
馬仔:下?咁你想去邊間丫?我唔多識喎…
豬豬:(對住司機講)司機丫, 請問點去"石…塘…咀"丫?
莧菜~ 我等你!

酒樓中…

VIVI:叫咩食好呀?
豬豬:我要食金銀"等"莧菜…
yuen豬頭 p(>_<)q

晌某一年…五隻豬朋鼠友晌處高談闊論…

阿鼠:某某都有人追?有冇搞錯丫…
豬豬:車,yuen豬頭都有"盟"鼻菩薩喇…
眾人:(起哄~)哦! 你死,你話同學yuen豬頭~~~!!
豬豬:(冷靜地)我係話…yuen豬頭都有"盟"鼻菩薩…更何況阿某某唔係~~~~~~~~~ (吹咩~)
含檸七 (>u<)

越南餐廳內…

侍應: 請問要唔要D野飲先?
豬豬: 一杯”含”檸七丫~
眾人: (爆笑~~~~)

對住個胃講......(=o=)

某餐廳內…

豬豬: 呀, 對住個胃講食野真係舒服....
馬仔: 下? 乜對住佢講, 就會舒服架咩?…
豬豬: 梗係啦, 對住咁大個"胃"多利亞港...
馬仔: (滴汗....)
扔-ta-賣-匿-唇 ( - . -!)
某一年考試前0既溫習…

豬豬: VIVI呀, (英文發音)“扔ta賣匿唇”點解呀?
VIVI: 下? “扔ta賣匿唇”? 唔曉喎…
豬豬: 咁呀,你咁幫我查下字典丫.
VIVI: 好呀, 你串呀…
豬豬: DE-TER-MIN-ATION.
VIVI: 下??? Determination 呀!!!!! (有冇搞~~~錯!)