前言：畢業後晌一間公司做左五年，最開心係識左一班同年紀的同事，過左幾年好好玩０既辦公室生活，呢處就整理返以前我地返工時０既廢０翕廢人廢事，等大家都一齊黎感受到我地０既廢～哈哈哈．．．
 
 

倫組組：聽住，聽日得九度。
比　蒂：（佢聽日要返工，大眼望住倫組組）：咁又點呀？你返工呀？
倫組組：唔係（大眼對住比蒂）聽日係你返工！
馬　仔：（我唔駛返工～）想唔想玩ｄ新奇好玩刺激０既野？就係聽日九度返工，仲唔刺激～～（受到要返工的小鬼ｌａ萬子夾襲擊）我近排寫緊本小說，叫『當九度遇上短週時』。哈哈哈～～
倫組組：哈哈哈．．．咁究竟係『向左震』，定係『向右震』呢？？？
 
======================================================================================

話說公司黎緊二月有個annual dinner．．．．

石薯：可能一陣上台頒個老人牌俾你添呀。
倫組組：嘩，唔係呀嘛，啋！真係拎埋ｄ咁牌真係唔得佢死～（望住個mon繼續做野，突然收到email）．．咩黎架？bababa...咩話？我服務超過五年，有個牌拎？？唔係呀？？？

好邪呀好邪呀～～哈哈哈，全場爆笑！

======================================================================================

下晝收到email，講東涌有女人拐帶細路，成班小鬼就講起自己細個有冇落街玩．．．

石　薯：我細個鐘意同阿哥呃話落街打波，其實走左去打機囉。好辛苦架，真係要帶住個籃球落去架！
馬　仔：好心你呃都呃款個波冇咁大架喇．．．
倫組組：我細個最多都係落樓下玩傻佬架咋．．
眾　人：下？玩傻佬？
倫組組：係呀，知道樓下個層有個傻佬，咪得閒就走落樓下大嗌佢個名，咁佢就會開鐵閘出黎鬧人，我地咪衝番上樓上囉～
馬　仔：你唔驚佢斬你呀？
倫組組：驚架～不過都要玩．．．
馬　仔：咪就係玩到連你大過都傻埋囉～
倫組組：可能係．．．
馬　仔：我細個最鐘意吼屋企冇人，搵張「木凳」頂住度木門同鐵閘中間，然後九秒九咁衝樓梯落樓下買一支雪條返上屋企食。
眾　人：下？你住幾多樓？你唔驚ｄ風吹埋度門咩？
馬　仔：我住七樓，跑四層樓梯．．．我當時唔驚ｄ風吹埋度門喎，淨係驚有賊入屋咋～（三歲定八十，馬仔細細個己經覺得週圍都係賊）
======================================================================================

是日庶務笑話一則：

話說小d放工會去小鬼la屋企個CLUB HOUSE度打波，小鬼LA要俾佢張住戶八達通咭小Ｄ入場．．．
小鬼ｌａ：我同你交換八達通卡啦，我個張應該夠你來回，不過我０個張係自動增值黎０既。
小Ｄ：下？但係張八達通唔係要同信用卡一齊先增到值架咩？
小鬼ｌａ：咩呀？自動增值喎？你以為要physically兩隻壘埋一齊先識自動增值呀？
小Ｄ：（紅面）乜唔係咩，我以為要兩張一齊晌銀包度拍先增到值添．．．
眾人：（爆笑起哄～～～～）

======================================================================================
席間小鬼們再講述返小ｄ經典八達通事件俾偶像聽，偶像顯得一臉難以至信。

「你係咪覺得兩張咭要晌銀包訓埋一齊先至會增值到？咁萬一佢同第二張咭訓，咪會扣左人地錢囉？咁你有冇要研究埋邊張要訓上邊張要訓下先增值到呀？」
======================================================================================

話說hello 比蒂同小鬼ｌａ訂購０既哈囉吉蒂月餅到步，成班師奶小鬼一早就好高興咁摷晒ｄ野出黎欣賞，好鬼死靚架，又有哈囉吉蒂形月餅模，又有個哈囉吉蒂煲，點只月餅咁簡單呀。成班自不然就係咁讚嘆喇～搞到連安東尼都忍唔住要過黎師奶堆度八下．．．

倫組組：「好靚呀，喂，安東尼，買套俾女朋友啦～」
安東尼：「佢唔鐘意公仔架．．．」
倫組組：（超流利）「下？佢又唔鐘意公仔，又唔鐘意名牌，淨係鐘意你，你真係執到啦～」
眾人（拍手～）
======================================================================================
* 訓醒有得八，做野快幾拍
* 庶務精神，唔八就笨
* 晨早溜溜有野八, 做野先唔會口擘擘
* 唱：世上只有媽媽好~~~~~~~~~ 媽媽的雞翼脹卜卜～～～～
* 唔.....公司一定有景轟....一個二個ji ji jump...八定實唔會頭痕!
======================================================================================

話說擒日TOILET度有隻超肥美０既小強晌入面盤旋，搞到庶務台眾小鬼去時極度驚慌。今日馬仔想去TOILET時好囉囉孿咁問：

馬仔：「有冇人想去呀？」
石薯：「做咩呀？你仲驚呀？隻小強咪俾阿姐捉左囉。」
馬仔：「係咩？我唔知０既？」
石薯：「係阿姐晏晝講架。唔駛驚，你去啦．．．．你會遇到另外一隻咋嘛．．．哈哈哈。」
倫組組：（好高興地）「係呀係呀。」
馬仔：「好呀，咁我會遞你地張相俾佢睇，等佢認住你地囉。」>O<
======================================================================================
一個平靜0既早上，一間平靜０既板間房內，一群在平靜地做事０既小鬼．．．
“啪”！一片漆黑，所有燈同電腦都熄晒。

眾人：「哇～」

“啪”！燈光著番，電腦開始起動．．．但係唔夠數秒之後，又再啪一聲，全場燈光同電腦再瓜柴～

眾人：「跳電呀。」（大鑊！）

兩秒過後，所有燈同電腦著番晒。

成間公司ｄ人都彈起晒，做實朴０既就衝晒入去低B CENTER睇下ｄ機有冇事。小鬼們呢，就走晒出房門口睇下咩環境～

驚魂甫定．．．

馬仔：「頭先個一剎那，你做緊咩？」
石薯：「我‘呀’左一聲囉。」
倫組組：「點解冇人嗌‘邊個摸我？」
馬仔：「係喎，下次再黑個陣，大家記得要攬住自己先！哈哈～」
======================================================================================

倫組組：（摷到一包俾人蹂躪過０既卡樂比比薯片）邊個？係邊個開左包薯片？？
東洋尊：（戰戰兢兢）Oh...I am sorry....I am too hungry yesterday...
倫組組：噢～～～～So ......I missed the Grand Opening? （激死！）
東洋尊：Oh, yes......only Andy join the ceremony.....（連東洋尊都癲左）
馬　仔：Any ribbon cutting? (哈，東洋尊又聽得明喎．．．）
東洋尊：Not just ribbon cutting, but also pigeon flying~~

黐線！成班都癲左啦．．．
======================================================================================
全晚卡拉OK高潮唔係唱歌，而係．．．．

石薯：「啦啦啦．．．．（ 眼角突然瞄到梳化背有ｄ野）哇～～～～咩黎架～～～？？」
馬仔：「．．．．．（望都唔望，彈起身，跨過所有檯凳障礙，衝出房先）咩野？有咩野？」（好驚，唔通小強？）
小鬼ｌａ：「好似大飛蛾呀．．．」（檢視著梳化背上一堆好似有毛０既物體）
石薯同馬仔：「哇～～」（黐住門口，有咩依郁，『渣』住碌竹！）
阿仔同小圓山繼續檢視物體．．．．
小鬼ｌａ：「０拿０拿０拿，等我叫人黎，大家想唔想今晚唔駛錢先？？(標準師奶反應）」準備出去．．
小圓山：「喂．．．．唔係飛蛾喎．．．係張梳化爛左，突左ｄ一堆線出黎咋喎．．．」
馬仔：「下下下？？？？係唔係架？你係咪呃我地咋？」

於是乎，成班白痴喱就圍住研究０個堆毛線物體究竟係咪飛蛾．最搞笑係，明明知道係毛線，都仲要搵隻湯匙夾硬遮住堆線。唔通驚佢會變成真飛蛾？

成班心聲：「好彩頭先冇叫伙記入黎咋．．．．」
======================================================================================
打風過的一個下午，食晏之後係有小鬼ｌａ０既愛心芒果布甸！

馬仔：「咦，你幾時整架？」
小鬼ｌａ：「擒晚囉．．．」
馬仔：「啊！你諗死今日要返工呀～唔怪得之會落八號風球要啦！原來就係因為你諗住今日要返工呀！！就係淨你一個念力呀！！」
小鬼ｌａ：「．．．．．．」＜－冇佢咁好氣
======================================================================================


話說個客要入場做cabling野，又要揭埋地板咁，於是乎公司就四方八面咁有人出黎阻撓．麻鬼煩．．．擺到明係有人玩野喇，總之庶務台０既角色係co-ordinator架咋，你地想打生打死０既，麻煩行埋一邊，咪嘈住我地．

馬仔：麻鬼煩，隻豬聽日要做架喇嘛．．．
小鬼ｌａ：（淡定地）唏，駛乜擔心，到時咪又係阿邊個邊個（又係經理咁囉）走出黎話俾人入～
馬仔：（輕佻地）到時咪中門大開，（叫囂）”喂～埋黎睇～埋黎揀～埋黎揭地板～～～”
倫組組：（興奮地）哈哈～跟住係　”X生任你玩～”註：X可代入作任何人

全班：哈哈哈哈哈哈～～
======================================================================================
馬仔：倫組組都有帶飯呀!
小鬼ｌａ：我同石薯睇過啦，佢盒飯好細0既0者，入面d?我地兩個係應該可以下午茶同佢食左佢！！
倫組組：.\ /.做乜連我盒飯有咩你地都知架？唔得，我要叫阿媽下次用ｄ黑色０既保鮮紙包住先得！
馬仔：黑色？食死你呀！
石薯（對住馬仔）：睇死你今日盒飯咁大盒，實唔倒得！我地一齊黎諗下去邊度食！仲要揀ｍａｇｇｉｅ最鐘意食０既地方．哈哈～
======================================================================================
蘇經理成日都話，做馬仔個胃真係特別辛苦，石薯就突然問馬仔：
”你聽唔聽到呀？”
”咩呀？”
”你個胃嗌你呀！”
”黐線～～～”（打得少！）
======================================================================================
近排周圍都會聽到抗炎隻歌,度度都"we shall over come~呀呀~". 不如試下轉做呢句:"我要早收工~啊啊"~ ^o^ 好,等馬仔日唱夜唱先!
======================================================================================
六點幾,忙到九彩趕住收工0既時候…低b center個警鐘竟然響!! 搞錯! 又走火警? 成班就你眼望我眼~

小鬼la: “走唔走好呀?”
馬仔 : “下? 咁仲返唔返上黎呀?”
小鬼 la: “梗係唔返啦?”
馬仔 : “下?我未出report喎!”
小鬼 la: “咁點呀?”
馬仔 : “不如…”
小鬼 la: “點呀?”
馬仔 : “…痾個尿先啦~ 好急呀!!!”
小鬼 la: “好呀~ 我都好急呀~~”

結果…冇幾耐個警鐘就停左…好彩~ (. UoU) =3
======================================================================================

無間道
=================================
(小鬼)明明我己晝夜無間望著面前部 (fax 機)
幻想收工~Change為何還未到?

(菲)明明我已奮力無間朝朝咁做
我不死也算是執到

(合)有沒有lay off 誰能知道
在(公司英文名)的無間道~~~~~~
======================================================================================
偶像 : 咁我呢件又係邊度買呢? (指住自己件紅色格仔恤,個樣好以d晒命0既 小學生)
馬仔 : 呀????
譚馬 : 哦~~ 你呢件貴野呀嘛…
馬仔 : 即係邊度呀?
譚馬 : 連卡佛~ (偶像笑得更開心~)
馬仔 : (指住偶像隻杯)你知唔知佢隻杯都係連卡佛呀~~~成百幾蚊隻啊!!
偶像 : (合什雙手)冇錯, 我最近信佛~ >o<(激死~倫組組,你冇見到佢個樣咋~~~~)
======================================================================================

話說因為某ｄ事，之前打俾一個谷街同事問野，受左五年內未受過０既氣，對方其後撞邪咁打返黎：

怪渣: 喂, 阿MAGGIE呀,頭先係咪你搵我呀? (超超好聲氣喎~!)
馬仔: 係. (係呀,我撞邪打左俾你呀)
怪渣: 喂頭先唔好意思呀,因為搞緊PBM,所以唔同得閒你傾個PBM住. (D聲氣簡直令人毛骨悚然!)
馬仔: 係. (唏傻啦,駛乜唔好意思呢,我份卑微0既人工係包埋受你氣架嘛,我應得架~~)
怪渣: 我地而家可以傾番個PBM啦. 係呢, 個IS係想知D咩架呢? (假到想嘔!)
馬仔: 唔駛啦,我搵左惡霸去答番佢地. (哦,除左想知你幾時死之外,應該都冇乜架啦.)
怪渣: 啊~咁呀, 咁個惡霸肯唔肯去答返佢地呀?
馬仔: 得架喇, 佢地應該冇問題. (放心啦, 呢D咁粗重0既野,等我地去做得架啦~你返去乞食喇)
怪渣: 啊, 咁好啦, 唔該晒你.
馬仔: 拜拜. (唔該晒~~ 唔該你以後唔好再打黎.)
======================================================================================
石薯 : 喂!買左早餐未呀?
馬仔 : 做咩呀?幫你買呀?你返呢面咩?
石薯 : 唏!咁你買左早餐未呀???
馬仔 : 未呀,點呀?
石薯 : 冇,話俾你知大家樂個早餐好掂咋嘛~~ 0靴0靴0靴…(石薯牌笑聲) d 銀針粉好得啊~~仲飲埋d湯添喎~~~ 0靴0靴0靴…我地仲係堂食添喎~~~~
馬仔 : 挑~~~~~剔得你呀. :P
======================================================================================
食晏時同倫組組講電話…馬仔以為係幾人會議…
馬仔:喂,石薯呀…(無聲)咦,石薯呢?
倫組組:晌度呀…
馬仔:石薯~~(無聲,奇怪?!)
倫組組:咪晌度囉…
馬仔:喂喂,阿薯~~~
倫組組:呀呀呀,佢晌我隔離咋…唔係晌電話入面呀…
馬仔:@%#Q%$%##$@#…
======================================================================================

倫組組:喂,馬仔,你聽唔聽到呀? (嗦嗦嗦~~)
馬仔:咩黎架?
倫組組:呢…(嗦嗦嗦…)
馬仔: SHAKE SHAKE薯條呀……
倫組組:係呀係呀…
馬仔: (U_U! 死無聊鬼~~~~~)
======================================================================================
沙士期間：

一早入門口, 就見到偶像坐晌meeting room等開會.佢離遠見到馬仔時,竟然係合什雙手打招呼喎~為表禮貌,馬仔就拱手回應~ 跟住偶像就同房入面蘇經理講:"真係慘,而家冇得握手添"…蘇經理驚訝地:"下?乜你地以前朝朝握手架咩???????????????" ^o^
======================================================================================

公司請左醫生小姐返同我地講解非典型肺炎預防....問問題時間,
偶像奇雲: 請問高溫係咪可以殺菌?
醫生.........: 一般細菌係可以.
偶像奇雲: 咁請問打邊爐係咪好安全?
醫生.........: u_u 咁你會唔會將舊食物最熱0既時候放入口?
偶像奇雲: ……………

散會後, 偶像奇雲: 其實我仲想問埋韓國燒烤安唔安全…….
馬仔諗: 偶像, 其實你問左我都想問0既問題…. :P
======================================================================================