2006.01.31
新春行大運∼∼∼

話說小圓山早陣子同佢ｄ同事去過西頁深涌燒野食，返到黎讚不絕口，所以晌年初三就搞左個「早熟之旅」．．（據講電影早熟都係晌０個度取景的．．．）

一早就晌西貢集合，買好食物同炭後就撘的士去榕樹澳村，再沿住寫著往深涌的路徑步行大約一個小時便到。冇買飲品入去，因為提供燒烤的地方是一間士多，所以寧願貴少少幫襯佢都唔想拎咁多野行。

今日天氣好好．．．仲好熱．．．．真係一路行一路除都唔掂．．．

深涌果然係好靚，一大片的草地上紮滿不少的營幕，睇黎呢度都應該係露營好去處．．（雖然遍地牛金．．）

燒完野食，就走左出個唔知咩灘度玩掘蜆開蠔。好多蜆同蠔呀！不過都係好細隻的，當然亦冇人夠膽食啦，旨在摷左佢地出黎搞搞震咋嘛．．．HOHOHO.....

玩到咁上下，就出碼頭度撘六點三班唯一的船出返去沙田馬料水，完成今年個大吉之旅∼∼∼