2006.02.16
你睇我部PDA幾好用∼
餐廳環境幾好架！而且成日都好少人，所以次次都可以慢慢坐，大把人serve你。ｄ野食都幾好味，亦都唔太貴。好鐘意食佢個咩鬼蝦油海鮮飯，好食∼ (小馬０衣吟：呢度好坐同好食過鯉景灣個間泰國野啦！．．．雖然我係好耐以前去過兼唔記得左間野叫咩．．hohohoho.....）
是晚食左豬頸肉沙律，蝦油海鮮炒飯，咸魚芥蘭，四枝串燒，會員有八折，折後二百元正，抵∼∼
飲食情報：Island Thai, Tel: 28860166, Island Golf Club 內，香港西灣河愛德街8號。
Golf Club 其實好近地鐵站的，希望我講得明．．HEHE.....
地鐵西灣河站出朝海邊方向直行，至東區走廊橋底過左馬路後右轉直行就見到，其實晌民生書院後面。註，過馬路時請小心，一係就安全ｄ跟交通燈兜個圈行／or使用行人隊道啦~
