2006.03.10
和食獻技

今期煮飯仔題目係和食∼各人自備一菜∼

大BEN０既蒸旦好滑呀∼真係出邊食個Ｄ呀，我又要晌屋企試整．．我食襯壽司都會叫架．．
毛毛０既炒雜菜同烏冬都好味，加埋爆朱０既甜咖喱，送飯至正！最後仲有小Con心太軟旦糕，超級好味，滿足都不得了∼

至於我０既蜆囉喎．．．咳咳．．．平時懶謙虛０既我要同你講，我煮得真係好好味呀！我話好味過出面有Ｄ舖頭添呀！！！！哇卡卡卡．．．最重要係，易煮到不得了！同煮個即食面冇分別！等我黎話過俾大家知點煮．．．．

拿，我本來搵到個食譜呢，係話一斤蜆就用125ml雞湯加 125ml 清酒加薑絲煮０既，但係我煮時先發現，咁少水係煮唔到一斤蜆，加上我鐘意用部分雞湯撘清水（全用雞湯好味精．．．食完成晚好口渴）於是我就改良成：
一斤蜆，一條京蔥（大斜角咁切），適量冬菇（切絲），大約150ml雞湯，成支菊正宗（300ml)，大約500ml水（唔太記得，因為我係加水加到夠煮ｄ蜆為止，或者大家到水滾時可以試下夠唔夠味，唔夠再加雞湯．．）

雞湯加水加清酒煮滾 ，放入京蔥同蜆，再煮滾後放入冬菇，等全部蜆熟晒後食得！So EASY~~~~~

D酒勁好飲，而ｄ京蔥同冬菇都好好好味架∼∼∼（噢∼又想食了！）