2006.03.30
Rice Paper
今晚豬朋約食飯，隻馬自作主張，訂左毛毛介紹的Rice Paper食越南菜，不過我就揀晌銅鑼灣分店度食。
呢度原來好有氣氛（實有啦，咁黑....)，ｄ座位好舒服，窗口位更正∼不過只坐到四個人，我地七個冇得坐啊．．．．(窗口怪失望中．．．）
食物份量好小，味道都okay，我個人就最鐘意個咖喱燴鴨，ｄ鴨好淋，咖喱好味，點法包食開心到死∼其他菜式一般，不過唔算真係好越南菜，我食食下覺得似泰菜添......
黎呢度好明顯都係食氣氛同環境，如果真係食越南野，清亭個d好味好多。不過我好鐘意呢度呀！三五知己咁坐佢ｄ半圓卡位，真係好鬼高興0者∼∼∼∼
以上所有菜式合共 $740，七人用，位位一百多ｄ，唔貴喎！我就好飽啦，唔知其他人呢∼哈......
飲食情報：Rice Paper, 地址: 銅鑼灣世貿中心商場4樓P413-418, 電話: 2890-3975