2006.04.07
Cafe de Ju-mo-Horse

又到烹飪日，但係今期大家都懶諗，結果玩煎牛扒快餐就算，哈，幾有茶餐廳feel∼係爭杯咖啡或茶凍飲加兩蚊咁囉。

求其晌拮豬島買ｄ牛扒雞扒豬扒， 求其咁揀枝果酒，係唔求其咁晌Italian Tomato左挑右選幾件cake做甜品，就快快手手咁完成今餐。

全場叫最有心思做０既係毛毛睇有線學返黎０既迷迭香法包。麵包塗上橄欖油後再好似插秧咁插晒一枝枝迷迭香放入焗爐焗。焗０既時候會散發出濃烈０既驅風油味（乜迷迭香咁味架....），但係食係幾好食架，咁當然係拎走晒ｄ驅風香草先啦，毛毛試食過，佢話好苦啊∼∼不過唔慣食dry麭０既馬就覺得如果配埋ｄ肉類or蕃茄蓉咁食就仲好ｄ，冇咁寡。

最後奉上等濃古古力旦糕一件。好好好味呀！勁古古力味（不過小心俾ｄ可可粉濁親喉嚨），但係食晒一件原來係好滯０既一件事黎.............................. ( @.@ )