2006.05.02
COVA dessert buffet

終於食到COVA 甜品buffet 啦∼

佢改左有兩段時間，分別係食6:30-8:15同8:30-10:30。食後段先有得訂位，所以今日去之前隻馬係打左個車仔麵底先０既∼（仲係四送呀，條友黐架．．）

好開心呀∼雖然，雖然佢０既甜品選擇比起Grand Hyatt 真係少好多好多，但係，佢就有較多０既咸食選擇。有好幾款０既三文治啦，有ｄ薄片腸啦，有吞拿魚碎啦，磨菇粒粒，好幾款咸０既批仔同埋長通粉啊∼最重要係，佢地全部都係好好味架！！！而甜品方面，就有Tiramisu啦，勁「漏」０既古古力旦糕，芒果芝士旦糕，藍草苺旦糕，同埋我都唔知係咩０既好似布甸物體咁．．．．其實仲有其他的甜點，不過隻馬狂食ｄ咸點，冇乜點研究過ｄ甜品，所以都唔記得仲有咩lu．．．哈哈哈．．．

三個人Total五百蚊。講真，差唔多百六蚊一位其實都算幾貴，不過佢ｄ Cake出左名細細件都賣廿幾蚊，咁百六蚊任食t都叫ok.........但係........................................明知甜品最值錢，點解我仲食晒咸點０既？？？？？？？？？？冇用！

飲食情報：COVA, 地址: 九龍塘又一城 LG1-11 舖 , 電話: 2265 8688