雖然好多人都話金滿庭好食，但我都只係黎過一次，一來知道成日都有好多人等，二來又唔多鐘意要晌Time Square樓下排隊等lift，所以好多時都係去翡翠食就算。

今晚終於特登早ｄ黎等位食啦。食物真係唔錯，又唔貴，坐得舒服過翡翠好多（可能因為我地有卡位坐．．．卡卡卡．．），而且食物都多款ｄ，幾好幾好∼

呢度小籠包都幾好呀，皮夠薄，又多汁。我就最鐘意之前朋友介紹的皮旦拌凍豆腐，伴埋一啖咁食，好好味啊∼∼

一ｄ都唔貴，四個人食到飽，都係四百幾蚊，唔錯∼

食飽飽會合毛毛等，就去搵地方飲野。

話時話，雖然話上樓cafe有好多，但係硬係覺得冇幾多間好坐。今次去左呢間叫MaryJane０既試下，環境雖然係幾細，但係坐到梳化位都幾舒服，出面露台仲有一張長檯，人多早去可以考慮下。不過入面剩番０既二人位就爭ｄ，太逼．．．．叫人點傾計講是非呀？

唔算平，但係以食物+環境+服務黎講，都算唔錯啦∼（除左係有人食煙囉........快ｄ全面禁煙啦......）

飲食情報：
金滿庭，地址: 銅鑼灣時代廣場10樓1002號舖 ， 電話: 2506-2525
Mary Jane Cafe:地址: 銅鑼灣富明街寶明大廈 2/F , 電話: 2805-6678 (即三越後面咪行前d有間優之良品0既?樓上就係...晌街度會望到有個露台有人飲野)