因為見之前朋友搵Mien影嘅相都好自然同好靚，所以我地嘅婚紗與當日攝影都用返Mien影。
我地幫襯時嘅婚紗攝影是$8999，包一套婚紗，一套男禮，以及一套晚裝。相片就包500張相同一本4"x6"嘅相薄。基本上你諗到嘅地方都可以去影，不過只係要就返時間。成個package影完晒之後唔會再有咩雜費要加，我地都只係要俾返車租(如果你自己安排到有車就唔駛租車~) 同埋幾百蚊for extra影突左嘅百幾張相咁。
我地其實覺得個package最適合我地就係唔包油畫，因為我地成日嫌擺完酒之後張油畫好阻定，都唔知收埋去邊好。所以我擺酒時，只係用photoshop晌張相度畫個「油畫框」，然後再拎去曬foamboard，幾百蚊搞掂~ ^O^
而當日攝影我地join個陣個package係$9999，包兩個攝影師（一個影主要相，另一個影snapshot)同一個Cameraman。相片就包曬七百張，七百張過外就另外收費，但後來因為我地影得實在太多相 (1800pcs!!!) ，所以最後就俾多$2000全部copy要晒~
不過要提一提，Mien唔興幫你斟茶時講咩 「飲過女婿茶就型過劉德華」呢d的，but我自己就係鍾意攝影師唔講呢d~（雖然，普遍長輩聽到都好High的......）
搵Mien仲有個好處就係如果有走光，佢都方便d同我講嘛，哈哈哈哈哈~~~